پاکستان میں زمین کے تنازعہ پر دوگروہوں میں تصادم کے نتیجہ میں9 افراد ہلاک

مہر خبررساں ایجنسی نے پاکستانی ذرائع کے حوالے سے نقل کیا ہے کہ پاکستان کے ضلع قمبرشہداد کوٹ کی تحصیل وارہ کے نواحی گاوٴں میں زرعی زمین کے تنازع پر چانڈیو قبیلے کے دو گروپوں میں فائرنگ سے 9 افراد ہلاک اور چار زخمی ہوگئے ہیں۔ ہلاک ہونے والوں میں تین بھائی بھی شامل ہیں۔پولیس کے مطابق وارہ کے نواحی گاوٴں عاشق جی ٹکری میں چانڈیو قبیلے کے دو گروپوں میں طویل عرصے سے زرعی زمین کا تنازع چل رہا تھا۔ شام میں دونوں گروپوں کے درمیان اچانک فائرنگ کا سلسلہ شروع ہوگیا۔ فائرنگ سے دونوں گروپوں کے 9 افراد ہلاک اور چار زخمی ہوگئے۔ ہلاک ہونے والوں میں تین سگے بھائی بھی شامل ہیں۔